Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • lff les 32
  • Gado Kownukondre e tiri kaba!

Felem no de na a pisi disi.

Sorry, wan sani no go bun di wi pruberi fu drai a felem.

  • Gado Kownukondre e tiri kaba!
  • Yu kan de koloku fu têgo!—Wan moi fasi fu studeri Bijbel
  • Edeprakseri
  • A srefi sortu tori
  • SORTU TRA SANI YU KAN LERI?
  • SAN YU LERI?
  • TRA SANI DI YU KAN LUKU
  • O ten Gado Kownukondre bigin tiri?​—Pisi 2
    A Waktitoren—A e taki fu Yehovah Kownukondre 2014
  • A tiri foe Gado e bigin foe tiri
    Joe kan libi foe têgo na ini wan paradijs na grontapoe
  • A Kownukondre fu Gado—A moro bun Kownukondre
    A Waktitoren—A e taki fu Yehovah Kownukondre 2006
  • 1914​—Wan prenspari yari na ini Bijbel profeititori
    San Bijbel e leri wi trutru?
Moro sani
Yu kan de koloku fu têgo!—Wan moi fasi fu studeri Bijbel
lff les 32
Les 32. Yesus Krestes di de Kownu na hemel abi wan kownutiki na ini en anu èn a e tiri grontapu.

LES 32

Gado Kownukondre e tiri kaba!

Wan fowtow fu a bladzijde na ini a buku
Wan fowtow fu a bladzijde na ini a buku
Wan fowtow fu a bladzijde na ini a buku
Wan fowtow fu a bladzijde na ini a buku

Gado Kownukondre bigin tiri na ini hemel na ini a yari 1914. Na ini a yari dati den lasti dei fu a grontapu disi bigin tu. Fa wi du sabi dati? Wi o luku san den Bijbel profeititori e taki, wi o luku san e pasa na grontapu èn fa sma e tyari densrefi sensi 1914.

1. San Bijbel profeititori e sori?

A Bijbel buku Danièl e sori taki Gado Kownukondre bigin tiri na a kaba fu wan ten di Bijbel e kari „seibi pisi ten” (Danièl 4:16, 17). Hondrohondro yari baka dati, Yesus ben e kari a srefi pisi ten disi „a reti ten fu den trakondre sma” èn a ben taki dati a no ben kon na wan kaba ete (Lukas 21:24). Wi o si taki den seibi pisi ten kon na wan kaba na ini a yari 1914.

2. San e pasa na grontapu sensi 1914 èn fa sma e tyari densrefi?

Den disipel fu Yesus ben aksi en: „San o de a marki taki yu kon èn taki a kaba fu a grontapu disi de krosibei?” (Mateyus 24:3) Yesus fruteri den fu den sani di ben o pasa baka di a ben o bigin tiri leki Kownu fu Gado Kownukondre. A ben taigi den taki feti, angriten nanga gronseki ben o de. (Leisi Mateyus 24:7.) Bijbel ben taki tu taki a fasi fa sma ben o tyari densrefi na ini „den lasti dei” ben o meki taki a ten ben o tranga (2 Timoteyus 3:1-5). Ala den sani disi ben de krin fu si sensi 1914.

3. Fu san ede sani kon ogri so na grontapu sensi di Gado Kownukondre bigin tiri?

Syatu baka di Yesus tron Kownu fu Gado Kownukondre na ini hemel, a go feti nanga Satan nanga den ogri yeye. Satan lasi a feti dati. Bijbel e taki dati „den fringi en go na grontapu èn den fringi den engel fu en go na grontapu makandra nanga en” (Openbaring 12:9, 10, 12). Satan e atibron srefisrefi fu di a sabi taki a o kisi pori. Fu dati ede a e meki sma na heri grontapu pina. A sani disi e yepi wi fu frustan fu san ede sani ogri so na grontapu. Gado Kownukondre o lusu ala den problema disi.

SORTU TRA SANI YU KAN LERI?

Wi o luku fa wi du sabi taki a Kownukondre bigin tiri na ini 1914 èn wi o luku tu fa wi kan sori taki wi e bribi a sani disi.

4. Bijbel profeititori e sori taki Gado Kownukondre bigin tiri na ini 1914

Prei a FELEM.

FELEM: A Kownukondre fu Gado bigin tiri na ini 1914 (5:02)

Gado meki Kownu Nebukadnesar fu owruten Babilon kisi wan dren pe a sori en san ben o pasa na ini a ten fu en èn na ini a ten fu wi. Na ini Bijbel yu kan leisi san a dren èn fa Danièl fruklari a dren fu en. A de krin taki a dren ben abi fu du nanga a Kownukondre fu Nebukadnesar èn nanga Gado Kownukondre.​—Leisi Danièl 4:17.a

Leisi Danièl 4:20-26 èn gebroiki a faki tapu bladzijde 133 fu piki den aksi disi:

  • (A) San Nebukadnesar si na ini a dren fu en?​—Luku vers 20 nanga 21.

  • (B) San ben o pasa nanga a bon?​—Luku vers 23.

  • (C) San ben o pasa na a kaba fu den „seibi pisi ten”?​—Luku vers 26.

San a dren fu a bon e leri wi fu Gado Kownukondre

A PROFEITITORI (Danièl 4:20-36)

A e tiri

(A) Wan bigi bon

Wan bun bigi bon.

A no e tiri moro

(B) „Koti a bon trowe” èn meki „seibi pisi ten pasa”

Wan bon tompu nanga banti fu isri nanga kopro na en lontu.

A bigin tiri baka

(C) „Yu o tiri leki kownu baka”

Wan bun bigi bon.

A fosi leisi di a profeititori disi kon tru . . .

  • (D) Suma a bon ben e prenki?​—Luku vers 22.

  • (E) Fu san ede a no ben e tiri moro?​—Leisi Danièl 4:29-33.

  • (F) San pasa nanga Nebukadnesar na a kaba fu den „seibi pisi ten”? ​—Leisi Danièl 4:34-36.

A FOSI LEISI DI A PROFEITITORI KON TRU

A e tiri

(D) Nebukadnesar, Kownu fu Babilon

Kownu Nebukadnesar fow en anu. A abi heimemre.

A no e tiri moro

(E) Baka 606 F.K.b Nebukadnesar lasi en frustan èn a no ben man tiri moro seibi yari langa

Nebukadnesar e didon na gron èn a e nyan grasi neleki wan meti.

A bigin tiri baka

(F) Nebukadnesar kisi en frustan baka èn a bigin tiri baka

Kownu Nebukadnesar e tanapu èn a e opo en anu go na loktu.

A di fu tu leisi di a profeititori kon tru . . .

  • (G) Suma a bon ben e prenki?​—Leisi 1 Kroniki 29:23.

  • (H) Fu san ede den no ben e tiri moro? Fa wi du sabi taki Israel no ben abi kownu di Yesus ben de na grontapu?​—Leisi Lukas 21:24.

  • (I) O ten Gado Kownukondre ben seti èn pe a seti?

A DI FU TU LEISI DI A PROFEITITORI KON TRU

A e tiri

(G) Den kownu fu Israel ben e teki presi gi Gado

Kownu fu Israel di tiri baka makandra e sidon na tapu den kownusturu. Leti e skèin na den tapu fu loktusei.

A no e tiri moro

(H) Yerusalem kisi pori èn 2520 yari langa yu no ben abi kownu di ben teki presi gi Gado

Na ini a yari 607 Fosi Krestes den bron a foto Yerusalem. Baka dati 2520 yari e pasa.

A bigin tiri baka

(I) Yesus bigin tiri na ini hemel leki Kownu fu Gado Kownukondre

Yesus e sidon na tapu en kownusturu na hemel èn a e tiri sensi 1914. Leti e skèin komoto fu en kownusturu.

O langa den seibi pisi ten ben teki?

Son pisi fu Bijbel e yepi wi fu frustan tra pisi fu Bijbel. Fu eksempre, a Bijbel buku Openbaring e taki dati dri nanga wan afu pisi ten na a srefi leki 1260 dei (Openbaring 12:6, 14). Seibi pisi ten na tu tron a nomru dati. Dati na 2520 dei. Na ini Bijbel son leisi a wortu dei wani taki wan yari (Esekièl 4:6). Na so a de nanga den seibi pisi ten di kari na ini a buku Danièl. Den seibi pisi ten na 2520 yari.

5. Grontapu kenki sensi 1914

Prei a FELEM.

FELEM: Grontapu kenki sensi 1914 (1:10)

Yesus ben taki san ben o pasa na grontapu, baka te a ben o tron Kownu. Leisi Lukas 21:9-11 èn taki fu na aksi disi:

  • Sortuwan fu den sani disi yu si noso yu yere fu en?

Na apostel Paulus ben sori fa sma ben o tyari densrefi na ini den lasti dei fu a grontapu disi. Leisi 2 Timoteyus 3:1-5 èn taki fu na aksi disi:

  • Yu feni taki na so sma e tyari densrefi na ini a ten disi?

Fowtow: Prenki di e sori fa sani de na ini den lasti dei. 1. Wan legre-edeman e tanapu na tapu wan podium. A e bari aladi a e opo en anu. 2. Wan tu gebow broko, baka wan gronseki. 3. Srudati opolani. 4. Wan grupu sma di weri mondkap e waka na strati. 5. Faya e bron den Twin Tower na ini New York baka di wan tu terrorist frei opolani go na ini den. 6. Wan man e gebroiki drugs. 7. Wan masra e bari en wefi èn a meki wan kofu fu naki en. 8. Difrenti drugs nanga sopi. 9. Tu uma di weri modo krosi, keti nanga tra sani e meki wan selfie. 10. Wan man e prei poku na wan show. 11. Wan man di e protesteer e trowe wan sani.

6. Fa yu kan sori taki yu e bribi taki Gado Kownukondre e tiri kaba?

Leisi Mateyus 24:3, 14 èn taki fu den aksi disi:

  • Sortu prenspari wroko di e du now e sori taki Gado Kownukondre e tiri kaba?

  • Fa yu kan yepi du a wroko disi?

Gado Kownukondre e tiri kaba èn a dei e doro taki a o tiri heri grontapu. Leisi Hebrewsma 10:24, 25 èn taki fu na aksi disi:

  • San wi musu du, now di wi e „si a dei e kon krosibei”?

Fowtow: 1. Wan Bijbelstudie e go na wan konmakandra fu Yehovah Kotoigi. 2. A srefi Bijbelstudie e preiki gi wan sma di a sabi.

Efu yu ben sabi wan sani di ben o yepi trawan èn di ben o kibri den libi, san yu ben o du?

WAN SMA KAN AKSI YU: „Fu san ede Yehovah Kotoigi e taki so furu fu 1914?”

  • San yu ben o piki en?

SAN YU LERI?

Bijbel profeititori èn den sani di e pasa na grontapu e sori taki Gado Kownukondre e tiri kaba. Wi e sori taki wi e bribi disi te wi e preiki fu a Kownukondre èn te wi e go na den gemeente konmakandra.

Fa yu ben o piki den aksi disi?

  • San pasa na a kaba fu den seibi pisi ten di kari na ini a buku Danièl?

  • Fu san ede yu e bribi taki Gado Kownukondre bigin tiri na ini 1914?

  • Fa yu kan sori taki yu e bribi taki a Kownukondre e tiri kaba?

Yu kan du a sani disi

TRA SANI DI YU KAN LUKU

Na ini na artikel disi yu kan leisi san historia skrifiman nanga tra sma e taki fu a fasi fa grontapu kenki sensi 1914.

„Wanneer begon het morele verval?” (Ontwaakt!, april 2007)

Na ini na artikel disi yu kan leisi fa a profeititori na Mateyus 24:14 kenki a libi fu wan man.

„Mi ben lobi honkbal moro ala tra sani!” (A Waktitoren Nr. 3 2017)

Fa wi du sabi taki a profeititori di skrifi na ini Danièl kapitel 4 abi fu du nanga Gado Kownukondre?

„O ten Gado Kownukondre bigin tiri? (Pisi 1)” (A Waktitoren, 1 oktober 2014)

Fa wi du sabi taki den „seibi pisi ten” di kari na ini Danièl kapitel 4 kon na wan kaba na ini 1914?

„O ten Gado Kownukondre bigin tiri? (Pisi 2)” (A Waktitoren, 1 november 2014)

a Luku den tu lasti artikel na ini a pisi „Tra sani di yu kan luku” na ini a les disi.

b F.K. wani taki Fosi Krestes.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma