AKSI 5
San na a boskopu fu Bijbel?
„Mi o meki yu nanga na uma tron feanti èn yu pikin nanga en pikin o de feanti. A pikin fu na uma o masi yu ede èn yu o gi a pikin fu na uma mankeri na en bakafutu.”
„Na yu bakapikin o meki taki ala den pipel fu grontapu man kisi blesi trutru, fu di yu arki mi.”
„Meki yu Kownukondre kon. Meki yu wani pasa na grontapu soleki fa a e pasa na hemel.”
„Bika ete wan syatu pisi ten, dan a Gado di e gi freide o meki unu masi Satan na ondro un futu.”
„Te ala sani de na a Manpikin ondro kaba, dan a o saka ensrefi na ondro Gado di ben poti ala sani na en ondro. Na so Gado kan de ala sani gi ala sma.”
„We, Gado ben pramisi Abraham nanga en bakapikin wan tu sani. Gado Buku no taki: ’Gi den bakapikin’, leki a ben taki fu furu bakapikin, ma a ben taki fu wán sma nomo: ’Gi yu bakapikin’, èn dati na Krestes. Boiti dati, efu unu na fu Krestes, unu na trutru bakapikin fu Abraham.”
„A Kownukondre fu grontapu kon tron a Kownukondre fu wi Masra èn fu a Krestes fu en. A o tiri leki kownu fu têgo, iya, fu ala ten.”
„Fu dati ede den fringi a bigi kaiman go na grontapu. En na a fosi sneki, a wan di den e kari Didibri nanga Satan èn a e kori sma na heri grontapu. Den fringi en go na grontapu èn den fringi den engel fu en go na grontapu makandra nanga en.”
„Ne a grabu a bigi kaiman, a fosi sneki, dati na Didibri nanga Satan èn a tai en wán dusun yari langa.”