AKSI 6
San Bijbel ben taki fu a Mesias?
PROFEITITORI
„Ai, Betlehem fu Efrata, . . . fu yu wan sma o kon di o tron tiriman fu Israel gi mi.”
FA A KON TRU
„Yesus gebore na Betlehem na ini Yudea na a ten di Herodes ben de kownu. Bakaten wan tu lukuman kon na Yerusalem. Den ben de fu Owstusei èn den ben e ondrosuku den stari fu sabi san o pasa.”
PROFEITITORI
„Den e prati mi krosi na den mindri èn den e iti lòt fu luku suma o kisi den krosi fu mi.”
FA A KON TRU
„Di den srudati spikri Yesus na a postu, den teki a dyakti fu en èn den prati en na fo pisi . . . Den teki a krosi tu di a ben weri na ondro a dyakti. A krosi dati no ben nai fu difrenti pisi krosi, ma a ben brei leki wán pisi krosi fu tapusei go miti ondrosei. Fu dati ede den taigi makandra: ’Wi no musu priti en. Meki wi iti lòt fu luku suma o kisi en.’”
PROFEITITORI
„A e kibri ala den bonyo fu a sma disi, so taki nowan fu den broko.”
FA A KON TRU
„Di den kon na Yesus, den si taki a ben dede kaba. Dati meki den no broko en futu.”
PROFEITITORI
„Den dyuku en fu wi sondu ede.”
FA A KON TRU
„Wan fu den srudati dyuku wan lansri go na ini Yesus seibere èn wantewante brudu nanga watra kon na doro.”
PROFEITITORI
„Den pai mi dritenti pisi solfru moni.”
FA A KON TRU
„Baka dati, wan fu den twarfu apostel di nen Yudas Iskariot, go na den edeman fu den priester. A taki: ’San unu o gi mi efu mi tori en gi unu?’ Den taigi en taki den ben o gi en dritenti pisi solfru moni.”