AKSI 10
Sortu moi sani Bijbel e pramisi gi a ten di e kon?
„Na den reti-ati sma o kisi grontapu èn fu têgo den o tan libi drape.”
„Grontapu e tan fu ala ten.”
„A Moro Hei Masra Yehovah o swari dede fu têgo èn a o figi den watra-ai fu ala sma puru na den fesi.”
„Na a ten dati den ai fu den breniwan o si èn den yesi fu den dofuwan o yere. Na a ten dati lan sma o kren leki dia na tapu den bergi. A tongo fu den babaw-wan o bari fu prisiri. Bika na ini den sabana watra o kuku kon na tapu èn liba o lon na den drei sabana.”
„A o figi ala watra puru na den ai èn dede no o de moro. Nowan sari, noso krei, noso pen no o de moro. Den fositen sani pasa kaba.”
„Den o bow oso èn den srefi o tan na ini. Den o prani droifidyari èn den srefi o nyan fu en. Den no o bow oso, dan wan tra sma go tan na ini. Den no o prani sani, dan wan tra sma nyan fu dati. Bika mi pipel o libi langa neleki wan bon èn den wan di mi teki o nyan bun fu a wroko di den du.”