„Drei bonyo” nanga „Tu Kotoigi”​—San den abi fu du nanga makandra?

NA INI a yari 1919, tu profeititori di abi fu du nanga makandra kon tru: A profeititori fu den „drei bonyo” nanga a wan fu den „tu kotoigi”. A fisyun fu den „drei bonyo” e sori go na wan langa pisi ten (hondrohondro yari) di kon na wan kaba di wan bigi grupu fu Gado pipel kon na libi baka (Esek. 37:2-4; Openb. 11:1-3, 7-13). A profeititori fu den „tu kotoigi” e sori go na wan syatu pisi ten di kon na wan kaba di wan pikin grupu fu anbegiman fu Gado kon na libi baka. A profeititori disi kon tru na a kaba fu 1914 te go miti a bigin fu 1919. Ala tu profeititori e sori na wan agersifasi fa Gado pipel kon na libi baka, èn ala tu kon tru na ini a yari 1919 di Yehovah meki den salfuwan opo „tanapu”. Den ben komoto na ini katibo na Babilon a Bigiwan èn a ben tyari den kon na wán na ini a gemeente di a ben krin.​—Esek. 37:10.

Ma a fasi fa den tu profeititori disi kon tru e difrenti. A profeititori fu den „drei bonyo” e taki fu ala salfuwan na grontapu di kon na libi baka. Ma a profeititori fu den „tu kotoigi” e taki fu wan tu fu den salfuwan na grontapu di kon na libi baka. Disi na den salfuwan di e teki fesi na ini na organisâsi èn di tron „a koni srafu di de fu frutrow”.​—Mat. 24:45; Openb. 11:6.a

„A lagipresi di ben furu nanga bonyo”​—Esek. 37:1

1. BAKA A YARI 100

   Sensi a yari 100 a ben de neleki a gemeente fu salfuwan ben dede. Na wan agersifasi „a lagipresi” ben furu nanga „bonyo”

2. BIGIN FU A YARI 1919

   1919: Den „drei bonyo” kon na libi di Yehovah puru den salfuwan na ini katibo na Babilon a Bigiwan èn di a tyari den kon na wán na ini a gemeente di a krin

„Tu kotoigi”​—Openb. 11:3

1. A KABA FU A YARI 1914

   Den e preiki èn den „weri krosi di e sori taki den e sari”

   1914: Dri nanga afu yari den „tu kotoigi” ben e preiki èn den ben „weri krosi di e sori taki den e sari”. Na a kaba fu a pisi ten dati sma ben kiri den na wan agersifasi

2. den dede na wan agersifasi

3. BIGIN FU A YARI 1919

   1919: Den „tu kotoigi” kon na libi di wan pikin grupu salfu brada bigin teki fesi na ini na organisâsi èn di den tron „a koni srafu di de fu frutrow”