A e yepi wi fu opo tanapu baka

Son leisi den problema nanga den tesi di wi e kisi e meki wi kon weri èn a e muilek gi wi fu tan dini Yehovah. Na den momenti dati, wi kan kisi krakti te wi e prakseri a profeititori fu Esekièl. Fu san ede? A profeititori disi e leri wi taki a Gado di abi a krakti fu tyari dede bonyo kon na libi baka, kan gi wi a krakti di wi abi fanowdu fu pasa iniwan problema di wi abi.​—Leisi Psalm 18:29; Fil. 4:13.

Wi musu hori na prakseri taki hondrohondro yari fosi Esekièl ben de na libi, a profeiti Moses ben taki dati Yehovah abi a krakti fu yepi a pipel fu en èn taki a wani yepi den tu. Moses ben skrifi: „A Gado fu owruten na wan kibripresi. Fu têgo en anu de na yu ondro fu yepi yu” (Deut. 33:27). Iya, wi kan de seiker taki te wi e aksi Yehovah fu yepi wi nanga den problema fu wi, a o poti en anu na wi ondro fu opo wi èn a o yepi wi fu opo tanapu baka.​—Esek. 37:10.