A moro prenspari dei na ini historia

Disi na a dei di Yesus Krestes dede. Fu san ede a dede fu Yesus ben de so prenspari? Wan tu reide de fu san ede disi de so.

Fu di Yesus tan gi yesi na Gado te na dede, meki dati e buweisi taki wan libisma man tan gi yesi na Gado awansi san e pasa.

A dede fu Krestes meki tu taki son libisma kisi na okasi fu tiri makandra nanga en na ini hemel. Boiti dati, a dede fu en meki taki furu tra sma man kisi têgo libi na ini wan paradijs na grontapu.

Tapu a neti bifo Yesus dede, a ben gebroiki brede sondro srudeki nanga redi win fu prenki a libisma skin fu en di a ben o gi leki ofrandi fu di a lobi libisma. Yesus ben taigi den disipel fu en: „Tan du disi fu memre mi” (Lukas 22:19). Yu o memre a prenspari okasi disi?

Yehovah Kotoigi e gi yu wan switi kari fu kon makandra nanga den fu memre a dede fu Yesus. A yari disi, a dei dati de tapu fodewroko 9 april, baka te son dongo. Yu kan go na a Kownukondre zaal di de krosibei fu yu oso. Grantangi aksi Yehovah Kotoigi na ini yu birti o lati èn pe den o hori a Memrefesa.