14 “Naseningenile kulelive Jehova Nkulunkulu wenu laninika lona, senilitsetse laba lenu futsi senihlala kulo, bese nitsi: ‘Asitibekele inkhosi letawuba setikwetfu, njengato tonkhe letinye tive letiseceleni kwetfu,’+ 15 nibotibekela-ke inkhosi, kube ngumuntfu lotawukhetfwa nguJehova Nkulunkulu wenu.+ Lomuntfu lenitambeka kutsi abe yinkhosi kufanele aphume kubomnakenu. Anikavumeleki kutsatsa umuntfu wekuhamba longasuye umnakenu nimbeke abe yinkhosi.

19 Kodvwa lamuhla senimlahlile Nkulunkulu wenu+ lobekanguMsindzisi wenu kubo bonkhe bumatima nekucindzeteleka kwenu, nase nitsi: “Cha, sibekele inkhosi.” Ngako nyalo manini embikwaJehova ngetive tenu nangemindeni yenu.’”*

43 Lawa ngemakhosi labusa eveni laka-Edomu+ ngesikhatsi ema-Israyeli*+ asengakabuswa yinkhosi: Bhela indvodzana yaBheyori; ligama lelidolobha lakhe bekuyiDinihabha. 44 Nakufa Bhela, Jobabi indvodzana yaZera waseBhosra+ wacala kubusa esikhundleni sakhe. 45 Ngesikhatsi kufa Jobabi, Hushamu wesive semaThemani wacala kubusa esikhundleni sakhe. 46 Kwatsi nakufa Hushamu, Hadadi indvodzana yaBedadi lowancoba emaMidiyani eveni* lakaMowabi wacala kubusa esikhundleni sakhe. Ligama lelidolobha laHadadi bekuyi-Avithi. 47 Ngesikhatsi Hadadi afa, Samla waseMasreka wabusa esikhundleni sakhe. 48 Nakufa Samla, Shawula waseRehobothi eceleni kweMfula, wacala kubusa esikhundleni sakhe. 49 Ngesikhatsi Shawula afa, Bhali-hanani indvodzana ya-Akbori wacala kubusa esikhundleni sakhe. 50 Kwatsi nakufa Bhali-hanani, Hadadi wacala kubusa esikhundleni sakhe. Ligama lelidolobha lakhe bekuyiPhawu futsi libito lemkakhe bekunguMehethabeli indvodzakati yaMatredi, loyindvodzakati yaMezahabe.