7 Lomphristi utakunikela embikwaJehova futsi ente kutsi lomake abuyisane naNkulunkulu, bese uba ngulohlantekile ekopheni kwakhe. Lona ngumtsetfo lomayelana nemfati lobeleka umntfwana wemfana nome wentfombatane. 8 Kodvwa nangabe angakhoni kukhipha imvu, kufanele aletse ematuba lamabili nobe emazini lamabili emavukutfu.+ Linye litawuba ngumnikelo wekushiswa, lelelinye libe ngumnikelo wesono, futsi umphristi utakwenta kutsi abuyisane naNkulunkulu bese uba ngulohlantekile.’”

21 “Kodvwa-ke nangabe lomuntfu eswele futsi angeke akhone kuletsa letintfo letidzingekako, kufanele aletse imvu lendvuna leseyincane ibe yinye, letawuba ngumnikelo welicala lotawujikitiswa, kuze atewubuyisana naNkulunkulu. Utawuletsa nafulaha locolisakele logcwele esikoteleni lesingemalitha lamabili* futsi lobhicwe nemafutsa kuze kube ngumnikelo walokutinhlavu, nemafutsa langetudlwana kwekota yelitha, 22 kanye nematuba lamabili nobe emazini emavukutfu lamabili, kuye ngekutsi yini layikhonako. Linye litawuba ngumnikelo wesono, lelelinye libe ngumnikelo wekushiswa.+

13 “‘Nangabe loku lebekuphuma esitfweni saloyo muntfu sekungasaphumi, naye asaphilile, utawulindza emalanga langu-7, ngemuva kwaloko awashe tingubo takhe, futsi ageze ngemanti lakhiwe esiyalwini, bese uba ngulohlantekile.+ 14 Ngelilanga lesi-8, kufanele atsatse ematuba lamabili nobe emazini lamabili emavukutfu+ aye nawo embikwaJehova emnyango welithende lekuhlangana, awanike umphristi. 15 Umphristi utawunikela ngawo, linye libe ngumnikelo wesono, lelelinye libe ngumnikelo wekushiswa, futsi loku utawukwenta embikwaJehova kuze lomuntfu abuyisane naNkulunkulu ngenca yaloko lebekuphuma esitfweni sakhe sangasense.