19 Bafati benu, bantfwana benu kanye nemfuyo yenu (ngati kahle kutsi ninemfuyo lenyenti) ngibo kuphela labatawuchubeka bahleti kulamadolobha lengininike wona, 20 kuze kube ngulapho Jehova anika bomnakenu kuthula njengobe nje entile kini, futsi nabo sebalitsetse laba labo lelive Jehova Nkulunkulu wenu latawubanika lona ngesheya kweJordane. Ngemuva kwaloko nguloyo naloyo kini sekangabuyela endzaweni yakhe lengimnike yona.’+

14 Bafati benu, bantfwana benu kanye nemfuyo yenu kutawuhlala kulelive Mosi laninike lona ngala* kweJordane,+ kodvwa nonkhe nine leningemachawe lanemandla+ kufanele newele iJordane ngaphambi kwebanakenu,+ nihleleke nibe ngemacembu emasotja. Kufanele nibasite labanakenu 15 kuze kube ngulapho Jehova abaniketa kuphumula njengobe nje nani aniniketile, futsi nabo sebalitsetse lelive Jehova Nkulunkulu wenu labanika lona. Ngemuva kwaloko nibobuyela kulelive lenanikwa lona kutsi nihlale kulo, live Mosi inceku yaJehova laninika lona ngasemphumalanga yeJordane.’”+

8 Sive sakaRubeni, sive sakaGadi nalelenye incenye yesive sakaManase batsatsa lifa labo labaliniketwa nguMosi emphumalanga yeJordane, njengobe Mosi inceku yaJehova bekabanikile.+