36 Kute lidolobha lesehluleka kufika kulo, kusuka e-Aroyeri+ leseceleni kweSigodzi sase-Anoni (lokufaka ekhatsi nelidolobha lelikulesigodzi) kuze kuyewufika eGileyadi. Jehova Nkulunkulu wetfu wawanikela kitsi onkhe lamadolobha.+

12 Ngulawa-ke emakhosi alelive lancotjwa ngema-Israyeli, futsi ema-Israyeli atsatsa live lawo emphumalanga yeJordane, kusukela eSihosheni sase-Anoni+ kuyewufika entsabeni iHemoni+ nayo yonkhe i-Arabha kubheka emphumalanga:+ 2 Sihoni+ inkhosi yema-Amori, lobekahlala eHeshboni futsi abusa indzawo lesuka e-Aroyeri,+ lebeyiseceleni kweSihosha sase-Anoni,+ nalesuka emkhatsini walesihosha, nencenye yelive lakaGileyadi kuze kuyofika eSihosheni saseJabhoki, lobekungumncele wema-Amoni.