9 Ngako Mosi watsi kuJoshuwa:+ “Khetsa emadvodza lotawuhamba nawo kuze niyokulwa nema-Amaleki. Kusasa ngitakuma esicongweni seligcuma, futsi esandleni sami ngitawube ngiphetse lendvuku Nkulunkulu weliciniso latsite ngiyiphatse.”

13 Ngako Mosi wesuka naJoshuwa inceku yakhe,+ futsi wakhuphukela entsabeni yaNkulunkulu weliciniso.+

11 Jehova abekhuluma naMosi buso nebuso,+ njengalapho umuntfu akhuluma nalomunye umuntfu. Bekutsi Mosi nakabuyela kulendzawo lebebahlala kuyo, Joshuwa+ indvodzana yaNuni, lobekayinceku nemsiti wakhe,+ yena angesuki kulelithende.

18 Ngaleso sizatfu Jehova watsi kuMosi: “Tsatsa Joshuwa indvodzana yaNuni, loyindvodza lenesimo lesihle, ubeke sandla sakho kuye.+ 19 Kufanele ummise embikwa-Eliyezeri umphristi nasembikwaso sonkhe lesive, futsi umtfume embikwaso.+ 20 Ubomniketa incenye yeligunya* lonalo+ kuze sonkhe lesive sema-Israyeli simlalele.+

3 Jehova Nkulunkulu wenu nguye lotakwewela embikwenu, futsi utawuncoba letive letisembikwenu, nine niticoshe.+ Joshuwa utanihola nanewela iJordane,+ njengobe nje Jehova ashito.