65 Ngobe Jehova abekhulume ngabo watsi: “Nakanjani batawufela lapha ehlane.”+ Ngako akusalanga muntfu kubo ngaphandle kwaKhalebi indvodzana yaJefune kanye naJoshuwa indvodzana yaNuni.+

11 ‘Emadvodza laphume eGibhithe laneminyaka lesukela kulengu-20 budzala kuya etulu, ngeke alibone lelive+ lengafunga ngalo kubo-Abrahama, Isaka naJakobe,+ ngobe akakangilandzeli ngenhlitiyo yonkhe, 12 ngaphandle kwaKhalebi+ indvodzana yaJefune longumKhenizi kanye naJoshuwa+ indvodzana yaNuni, ngobe bona balandzele Jehova ngenhlitiyo yonkhe.’+

34 “Jehova abesolo akuva konkhe loku lebenikusho, ngako watfukutsela futsi wafunga+ watsi: 35 ‘Kute ngisho namunye kulabantfu balesitukulwane lotawubona lelive lelihle lengafunga kutsi ngitalinika bobabe benu,+ 36 ngaphandle kwaKhalebi indvodzana yaJefune. Yena utalibona, futsi lelive lanyatsele kulo ngitalinika yena nemadvodzana akhe, ngobe ulandzele Jehova ngenhlitiyo yakhe yonkhe.*+ 37 (Jehova wangitfukutselela nami ngenca yenu, watsi: “Nawe angeke ungene kulelive.+ 38 Joshuwa indvodzana yaNuni, loyinceku yakho,+ nguye lotawungena kulelive.+ Mcinise*+ ngobe utawungenisa ema-Israyeli kulo.”)