7 Jehova wabese ubonakala ku-Abrama, futsi watsi kuye: “Lelive ngitalinika bantfwana* bakho.”+ Ngako Abrama wakhela Jehova li-al’thare kuleyo ndzawo, ngobe kulapho abonakala khona kuye.

14 Ngemuva kwekutsi bo-Abrama naLoti behlukene, Jehova watsi ku-Abrama: “Ngicela sewuphakamise emehlo, futsi ubuke ngasenyakatfo ulapho ume khona, ubuke ngaseningizimu, ngasemphumalanga nangasenshonalanga, 15 ngobe lonkhe lelive lolibonako ngitalinika wena nebantfwana* bakho, futsi litawuhlala lingelenu.+

17 Ngesikhatsi Abrama asaneminyaka lengu-99, Jehova wabonakala kuye watsi: “NginguNkulunkulu Somandla. Hlala wetsembekile kimi futsi ube msulwa.*

7 “Ngitawusigcina sivumelwane lengisente nawe+ nebantfwana* bakho kanye nato tonkhe titukulwane letiseta, futsi lesivumelwane sitawuhlala phakadze. Ngitawuba nguNkulunkulu wakho newentalelwane* yakho letakuta emvakwakho.