14 Ema-Israyeli aba ngephansi kwa-Egloni inkhosi yakaMowabi iminyaka lengu-18.+

6 Ema-Israyeli aphindze enta lokubi emehlweni aJehova+ ngako Jehova wawanikela esandleni sebakaMidiyani iminyaka lengu-7.+ 2 Sandla sebakaMidiyani sawacindzetela ema-Israyeli.+ Ngenca yaloko, ema-Israyeli atakhela tindzawo tekubhaca* etintsabeni, emigedzeni kanye nasetindzaweni lokungasimelula kufika kuto.+ 3 Nakwenteka ema-Israyeli ahlanyela, sive sakaMidiyani, saka-Amaleki+ kanye nebantfu baseMphumalanga+ bebafika bawahlasele. 4 Bebawahlasela baphindze babhubhise umkhicito wemasimu awo kuze kuyofika eGaza futsi kute kudla lebebakushiyela ema-Israyeli, netimvu tawo, netinkhomo nobe timbongolo tawo.+ 5 Bebafika nemfuyo yabo kanye nemathende abo lamanyenti ngangesikhonyane,+ futsi bona kanye nemakamela abo bebabanyenti kakhulu.+ Bebavame kufika kulelive batolibhubhisa.

27 Ngenca yaloko wabanikela esandleni setitsa tabo+ lebetichubeka tibacindzetela.+ Kodvwa bebakhala kuwe nasebacindzetelekile, futsi bewukuva kukhala kwabo usemazulwini; ngenca yemusa wakho lomkhulu, wawubanika baholi kute babasindzise esandleni setitsa tabo.+