15 Ngako bonkhe labantfu bahamba baya eGilgali futsi nabefika lapho babeka Sawula kutsi abe yinkhosi embikwaJehova.+ Babese benta imihlatjelo yekuthula embikwaJehova kuleyo ndzawo, futsi Sawula kanye nawo onkhe ema-Israyeli bahalalisa ngenjabulo lenkhulu.+

13 Nakeva loku Samuweli watsi kuSawula: “Loku lokwentile kubulima. Awukawulaleli umtsetfo waJehova Nkulunkulu wakho.+ Kube uwulalele, Jehova abetokwenta kutsi umbuso wakho uhlale ucinile ka-Israyeli kuze kube phakadze.

26 Kodvwa Samuweli watsi kuSawula: “Angeke ngijike nawe ngobe awukalilaleli livi laJehova, naJehova ukwalile kutsi uchubeke uyinkhosi yaka-Israyeli.”+

7 Ekugcineni Sawula watsi etincekwini takhe: “Ngifuneleni umfati losangoma,+ futsi ngitawuhamba ngiyobuta kuye.” Tinceku takhe tamphendvula tatsi: “Ukhona umfati losangoma e-Eni-dori.”+

4 Ngemuva kwaloko Sawula watsi kulelisotja lelimphatsela tikhali: “Hoshula inkemba yakho ungicedzele, kuze lamadvodza langakasoki+ angangihlahleli futsi angibulale ngesibhuku.” Kodvwa lelisotja lebelimphatsela tikhali belingakatimiseli kukwenta loko, ngobe belesaba kakhulu. Ngako Sawula watsatsa lenkemba watijika etikwayo.+