17 Jese wabese utsi kuDavide indvodzana yakhe: “Ngicela utsatse naku lokutinhlavu lokugayingiwe lokungemalitha langaba ngu-22* naletinkhwa letingu-10, futsi uphutfume uye nako kubomnakenu lena enkambu. 18 Phindze utsatse nati tigadla letingu-10 tashizi* utimikise kumholi wemasotja layinkhulungwane. Ubohlola nekutsi banjani bomnakenu futsi ubuye nesicinisekiso sekutsi bayaphila yini.”