11 Ngekuhamba kwesikhatsi onkhe ema-Israyeli eta kuDavide eHebroni,+ afike atsi: “Tsine sitihlobo takho tengati.+ 2 Esikhatsini lesengcile, Sawula nakaseyinkhosi, nguwe lowawuhola ema-Israyeli nakaya etimphini.*+ Jehova Nkulunkulu wakho watsi kuwe: ‘Wena utakwelusa bantfu bami ema-Israyeli, futsi utawuba ngumholi wabo.’”+ 3 Ngako onkhe emadvodza lamadzala aka-Israyeli aya enkhosini eHebroni, futsi Davide wenta sivumelwane nawo khona lapho, embikwaJehova. Ase agcoba Davide kutsi abe yinkhosi yema-Israyeli+ njengobe Jehova bekashito asebentisa Samuweli.+