• Tihlabelelo 18:31-42
    Lihumusho Lemhlaba Lomusha LemiBhalo Lengcwele

    • 31 Ngobe ngubani longuNkulunkulu ngaphandle kwaJehova?+

      Futsi ngubani lolidvwala ngaphandle kwaNkulunkulu wetfu?+

      32 Nkulunkulu weliciniso nguye longinika emandla,+

      Futsi utakwenta indlela yami icondze.+

      33 Wenta tinyawo tami tifane netenyamatane;

      Ungenta ngime etindzaweni letiphakeme.+

      34 Tandla tami uticeceshela imphi;

      Imikhono yami iyakhona kugoba butjoki belitfusi.

      35 Ungivikela ngesihlangu sakho,+

      Sandla sakho sangesekudla siyangisekela,*

      Futsi kutfobeka kwakho kungenta ngibe mkhulu.+

      36 Wenta indlela lengihamba ngayo ibe yinkhulu;

      Tinyawo* tami ngeke tishelele.+

      37 Ngitawutigijimisa titsa tami ngitikhandze;

      Ngeke ngijike tingakacotfulwa.

      38 Ngitatifihlita kuze tingaphindzi tivuke;+

      Futsi ngitatincoba.

      39 Utanginika emandla kute ngilwe imphi;

      Utawenta kutsi titsa tami tiwe embikwami.+

      40 Utawenta titsa tami tingibalekele,*

      Futsi ngitabacotfula* labangitondzako.+

      41 Bakhalela lusito kodvwa kute longabasindzisa;

      Baze bakhale nakuJehova kodvwa akabaphendvuli.

      42 Ngitabagaya bacolisakale babe njengelutfuli lolupheshulwa ngumoya;

      Ngitabalahla ngephandle kuhle kweludzaka lulahlwa etitaladini.