3 Solomoni kanye naso sonkhe sive babese baya endzaweni lephakeme leseGibeyoni+ ngobe lithende lekuhlangana laNkulunkulu weliciniso belilapho, lelo lebelakhiwe nguMosi inceku yaJehova ehlane. 4 Davide bekenyuse Libhokisi laNkulunkulu weliciniso walisusa eKhiriyathi-jeyarimu+ walimikisa endzaweni lebekayilungiselele lona; besekalimisele lithende eJerusalema.+ 5 Li-al’thare lelitfusi+ lebelakhiwe nguBesaleli+ indvodzana ya-Uri lobekayindvodzana yaHure, beselibekwe embikwelithende lekukhontela laJehova; futsi Solomoni nalesive bebathantaza embikwalo.* 6 Solomoni wabese wenta iminikelo khona lapho embikwaJehova futsi wanikela ngeminikelo yekushiswa lengu-1 000 e-al’thare lelitfusi+ lelithende lekuhlangana.