15 nibotibekela-ke inkhosi, kube ngumuntfu lotawukhetfwa nguJehova Nkulunkulu wenu.+ Lomuntfu lenitambeka kutsi abe yinkhosi kufanele aphume kubomnakenu. Anikavumeleki kutsatsa umuntfu wekuhamba longasuye umnakenu nimbeke abe yinkhosi. 16 Kodvwa-ke lenkhosi akukafaneli ibe nemahhashi lamanyenti,+ nobe yente lesive sibuyele eGibhithe kuze itfole emahhashi lamanyenti,+ ngobe Jehova watsi kini: ‘Ningabobuyela eGibhithe.’

24 Bonkhe bantfu emhlabeni wonkhe bebafuna kubonana* naSolomoni kuze beve emavi ekuhlakanipha lebekafakwe nguNkulunkulu enhlitiyweni yakhe.+ 25 Bebeta baphetse tipho letifaka ekhatsi tintfo letakhiwe ngelisiliva, tintfo letakhiwe ngeligolide, tembatfo, tikhali, emafutsa ebhalisamu, emahhashi kanye neminyuzi. Loku bekwenteka umnyaka ngemnyaka.

26 Solomoni wachubeka nekucongelela tincola temphi kanye nemahhashi;* waba netincola temphi letingu-1 400 nemahhashi langu-12 000*+ futsi konkhe loko wakubeka emadolobheni etincola temphi, lokunye wakubeka dvutane naye eJerusalema.+

14 Solomoni wachubeka nekucongelela tincola temphi nemahhashi;* waba netincola temphi letingu-1 400 nemahhashi* langu-12 000+ futsi wakugcina emadolobheni etincola temphi,+ lokunye wakubeka dvutane naye eJerusalema.+

17 Incola yemphi ngayinye lebeyitsengwe eGibhithe beyibita tinhlavu telisiliva letingu-600 futsi lihhashi lilinye belibita letingu-150; labatsengisi bebabese batsengisela onkhe emakhosi emaHethi nemakhosi aseSiriya.