16 Live lelaniketwa* bantfwana baJosefa+ ngenkatho+ belisuka eJordane ngaseJerikho kuya emitfonjeni yemanti lesemphumalanga yeJerikho, kwendlula lihlane nawenyuka kusuka eJerikho kuya esifundzeni lesinetintsaba saseBetheli.+

3 bese lehlela entasi ngasenshonalanga liye emnceleni wemaJafulethi kuze kuyewufika emnceleni weBhethi-horoni Lengentasi+ kanye neGezeri,+ futsi beliphelela elwandle.

4 Wabese wakha kabusha iThadmori lebeyisehlane nawo onkhe emadolobha lokugcinwa kuwo kudla naletinye tintfo,+ labekawakhe eHamathi.+ 5 Waphindze wakha kabusha iBhethi-horoni Lengenhla+ neBhethi-horoni Lengentansi,+ lokwakungemadolobha labiyelwe ngelubondza, ngemagede nangemishudo,* 6 wakha neBhalathi+ kanye nawo onkhe emadolobha lokugcinwa kuwo kudla naletinye tintfo, emadolobha etinkalishi,+ onkhe emadolobha ebagibeli bemahhashi kanye nanome ngabe yini Solomoni lebekafisa kuyakha eJerusalema, eLebanoni kanye nakuyo yonkhe indzawo lebekabusa kuyo.