16 Manase waphindze wacitsa ingati lengenacala ngelizinga lelikhulu kakhulu, waze wayigcwalisa yonkhe iJerusalema kusukela kulenye incenye yayo kuye kulenye,+ ngetulu kwesono labangela emaJuda kutsi asente ngekwenta lokubi emehlweni aJehova.

26 Noma kunjalo, intfukutselo yaJehova levutsako yawavutsela emaJuda ngenca yato tonkhe tintfo letimbi lebetentiwe nguManase letamvisa buhlungu.+

11 Ngako Jehova waletsa tindvuna telibutfo lemphi tenkhosi yase-Asiriya kutsi titobahlasela. Tabamba Manase ngemahhuka tase timkhunga ngetinketane letimbili telitfusi, tahamba naye taya eBhabhulona. 12 Manase wamncenga Jehova Nkulunkulu wakhe, asekuhluphekeni kwakhe, wacela umusa futsi wachubeka atitfoba kakhulu kuNkulunkulu wabokhokho bakhe. 13 Manase abesolo athantaza kuNkulunkulu futsi kwamtsintsa Nkulunkulu lokuncusa kwakhe, wasiva lesicelo sakhe semusa. Wase umbuyisela eJerusalema kute achubeke nekuba yinkhosi.+ Ngemuva kwaloko, Manase wati kutsi Jehova unguNkulunkulu weliciniso.+