4 Jehowashi watsi kubaphristi: “Tsatsani yonkhe imali leletfwa endlini yaJehova leyiminikelo lengcwele,+ imali lebekiwe lokufanele ikhokhwe ngumuntfu* ngamunye+ nemali umuntfu ngamunye lafunge kuyikhipha kanye nayo yonkhe imali umuntfu ngamunye inhlitiyo yakhe lemvumela kutsi ayiletse endlini yaJehova.+ 5 Baphristi ngibo labatawutsatsa lemali kubantfu labayinikelako, bayisebentisele kulungisa lendlu noma nini nakutfolakala umonakalo* kuyo.”+

29 Hezekiya+ waba yinkhosi nakaneminyaka lengu-25 budzala futsi wabusa iminyaka lengu-29 eJerusalema. Libito lamake wakhe bekungu-Abiya, indvodzakati yaZakhariya.+

3 Ngemnyaka wekucala wekubusa kwakhe, enyangeni yekucala, wavula iminyango yendlu yaJehova waphindze wayilungisa.+

9 Befika kuHilkiya umphristi lophakeme, bamniketa imali lebeyinikelwe endlini yaNkulunkulu, leyo lebeyikolekwe ngemaLevi labekagadza eminyango. Bekayitsetse esiveni sakaManase, saka-Efrayimu, nakuwo onkhe ema-Israyeli,+ lokufaka ekhatsi sive sakaJuda, sakaBhenjamini nakubantfu lebebahlala eJerusalema. 10 Yabese inikwa labo lebebakhetselwe kubuka umsebenti wendlu yaJehova. Tisebenti tendlu yaJehova tayisebentisela kulungisa umonakalo lobewenteke kulendlu.