12 “Jehova utsi: ‘Kodvwa kutawutsi kungaphela leminyaka lengu-70,+ ngijezise inkhosi yaseBhabhulona kanye naso sonkhe lesive ngenca yetono tabo,+ futsi live lemaKhaledi ngitalenta libe yindzawo lengenalutfo nalengenamsebenti kuze kube phakadze.+

14 Ngitawenta kutsi ningitfole,’+ kusho Jehova. ‘Ngitanibuyisa lapho benitfunjwe khona futsi nginibutsise ndzawonye, nginikhiphe kuto tonkhe tive netindzawo lebenginihlakatele kuto.+ Ngitanilandza kulendzawo lebenitfunjwe kuyo,’ kusho Jehova.+

10 “Jehova utsi: ‘Kulo kanye lelive lenitsi alisenamsebenti, alisenamuntfu futsi alisenamfuyo, nakulamadolobha akaJuda nasetitaladini taseJerusalema lesetikhala libhungane, lesetite imfuyo nobe bantfu labahlala khona, kutawuphindze kuvakale 11 umsindvo wekujabula newentfokoto.+ Kutawuvakala nelivi lemkhwenyane nelamakoti, kanye nemavi alabo labatsi: “Bongani Jehova wemabutfo ngobe Jehova muhle;+ lutsandvo lwakhe lolucotfo luhlala kuze kube phakadze!”’+

“‘Batawuletsa iminikelo yekubonga endlini yaJehova,+ ngobe ngitababuyisa bantfu labatfunjiwe bakulelive, kube njengobe bekunjalo ekucaleni,’ kusho Jehova.”