3 Konkhe lokusalako kulomnikelo walokutinhlavu kutawuba kwa-Aroni nemadvodzana akhe.+ Loku kungcwele ngelizinga leliphakeme+ futsi kutsetfwe eminikelweni leya kuJehova leyentiwe ngemlilo.

8 Jehova wachubeka akhuluma na-Aroni watsi: “Mine ngikubeke kutsi ubuke iminikelo leletfwa kimi.+ Wena nemadvodzana akho ngininike incenye kuto tonkhe tintfo letingcwele ema-Israyeli latinikelako, futsi loku kutawuhlale kusabelo senu.+ 9 Kuyo yonkhe iminikelo leyentiwa ngemlilo futsi lengcwele ngelizinga leliphakeme, naku lokutawuba kwenu: yonkhe iminikelo bantfu labayiletsa kimi, lokufaka ekhatsi iminikelo yabo yalokutinhlavu,+ iminikelo yesono+ kanye neminikelo yelicala.+ Leminikelo ingcwele ngelizinga leliphakeme kuwe nakumadvodzana akho.