9 “Nibocaphela niphindze nitigadzisise kuze ningatikhohlwa tintfo lenitibonile, futsi tingasuki etinhlitiyweni tenu, kuko konkhe kuphila kwenu. Nibotitjela emadvodzana enu nebatukulu benu.+

6 Lamavi lenginiyala ngawo lamuhla kufanele abe setinhlitiyweni tenu, 7 futsi kufanele niwanamatselise* emadvodzaneni enu,+ nikhulume ngawo nanihleti etindlini tenu, nanihamba endleleni, nanilala, nalapho nivuka.+

21 nibotsi: ‘Besitigcili taFaro eGibhithe, kodvwa Jehova wasikhipha lapho ngesandla lesinemandla.

18 “Nibogcina lamavi ami etinhlitiyweni tenu kanye nangekhatsi kini, niphindze niwabophe abe sikhumbuto etandleni tenu, futsi kufanele abe njengelibhande emabuntini enu.*+ 19 Nibowafundzisa bantfwana benu, nikhulume ngawo nanihleti etindlini tenu, nanihamba endleleni, nanilala nalapho nivuka.+

6 Lamatje atawuba luphawu emkhatsini wenu. Nakwenteka esikhatsini lesitako bantfwana* benu banibuta batsi: ‘Niwabekeleni lamatje?’+ 7 nibotsi kubo: ‘Kungenca yekutsi emanti emfula iJordane ema embikwelibhokisi+ lesivumelwane saJehova. Ngesikhatsi lelibhokisi lewela, emanti emfula iJordane ema angasageleti. Lamatje atawuba sikhumbuto lesihlala njalo kubantfu baka-Israyeli.’”+