• Tihlabelelo 78:43-51
    Lihumusho Lemhlaba Lomusha LemiBhalo Lengcwele

    • 43 Nendlela lenta ngayo tibonakaliso eGibhithe+

      Netimangaliso esifundzeni saseSowani,

      44 Bayikhohlwa nendlela lagucula ngayo emanti lasemiseleni yeNayili aba yingati,+

      Lokwenta kutsi bantfu bangakhoni kunatsa emifuleni yakhona.

      45 Watfumela tibawu* kutsi tihlasele baseGibhithe+

      Watfumela neticoco kutsi tibahluphe.+

      46 Wenta kutsi labakulimile kudliwe sikhonyane lesishwabadzelako,

      Nekutsi lebebakusebentele kudliwe libulo letintsetse.+

      47 Wavitsita tihlahla tabo temagilebisi+

      Wacotfula netihlahla tabo temisikhamori* ngesangcotfo.

      48 Wabulala tilwane tabo ngesangcotfo+

      Washaya nemfuyo yabo ngembane.*

      49 Watfulula lulaka lwakhe loluvutsako etikwabo,

      Wabakwatela, wabatfukutselela kakhulu futsi wabenta bacindzeteleka,

      Watfumela netingilosi letinyenti kutsi tibaletsele inhlekelele.

      50 Wadedela lulaka lwakhe.

      Akazange abavikele ekufeni;

      Wababulala ngesifo lesibulalako.

      51 Ekugcineni wabulala onkhe ematibulo aseGibhithe,+

      Lokungematibulo latalwa emathendeni aHhamu.