23 Ngako Mosi waphakamisela indvuku yakhe emazulwini. Jehova watfumela kudvuma nesangcotfo, futsi umlilo* wehlela emhlabeni. Jehova wenta kutsi kuchubeke kunesangcotfo eveni laseGibhithe. 24 Kwaba nesangcotfo, futsi kulesangcotfo bekwehla nemlilo. Besisikhulu kakhulu, futsi besingakaze sesibe khona lesifana naso kusukela sive saseGibhithe saba khona.+ 25 Sashaya yonkhe intfo lebeyingephandle eveni laseGibhithe, kusukela kubantfu kuya etilwaneni, sashaya tonkhe titjalo, saphindze savitsita tonkhe tihlahla lebetikhona.+ 26 Kusendzaweni yaseGosheni kuphela lapho bekute khona sangcotfo, ngobe kulapho ema-Israyeli abehlala khona.+