• 2 Samuweli 22:8-16
    Lihumusho Lemhlaba Lomusha LemiBhalo Lengcwele

    •  8 Umhlaba wonkhe wacala kutamatama;+

      Kwatfutfumela tisekelo temazulu+

      Futsi tatamatama ngobe bekatfukutselisiwe.+

       9 Intfutfu yenyuka iphuma emakhaleni akhe,

      Nemlilo locotfulako waphuma emlonyeni wakhe;+

      Emalahle lavutsako aphuma kuye.

      10 Wabangela emazulu kutsi agobeke nakwehla yena,+

      Futsi ngephansi kwetinyawo takhe+ bekunebumnyama lobukhasa phansi.

      11 Wagibela likherubi+ futsi weta andiza.

      Bekabonakala asetimphikweni tengilosi.*+

      12 Wabese wembatsa bumnyama baba njengelithende,+

      Waba semantini lamnyama nasemafini lahlomile.

      13 Kwavutsa emalahle ngenca yekukhanya lobekusembikwakhe.

      14 Livi laJehova labese lidvuma emazulwini+ njengekudvuma kwelitulu;

      Losetikwako Konkhe wenta livi lakhe levakala.+

      15 Wadubula imicibisholo yakhe+ futsi wabasakata;

      Kwaba nembane futsi wabenta badideka.+

      16 Kujula kwelwandle kwase kuyabonakala;+

      Tisekelo temhlaba tabonakala ngenca yekwekhuta kwaJehova,

      Nangenca yemoya lonemandla lophuma emakhaleni akhe.+