• Jobe 38:8-11
    Lihumusho Lemhlaba Lomusha LemiBhalo Lengcwele

    •  8 Ngubani lowavimba lwandle ngekutsi avale iminyango+

      Naluphuma emtfonjeni walo,

       9 Nangilwembatsisa ngemafu

      Futsi ngilugocotela* ngebumnyama lobukhulu,

      10 Nangisungula imincele yalo

      Ngibeka netinsimbi talo neminyango yalo endzaweni yako,+

      11 Futsi ngatsi: ‘Ungahamba ugcine lana, ungendluli;

      Emagagasi akho latigcabhako atawugcina lapha’?+

  • Tihlabelelo 104:6-9
    Lihumusho Lemhlaba Lomusha LemiBhalo Lengcwele

    •  6 Uwumbonye ngemanti lashonako kwaba shengatsi uwumbonya ngengubo yekugcoka.+

      Netintsaba timbonywe ngemanti.

       7 Emanti avele nje akhwesha ngesikhatsi uwekhuta;+

      Avele ageleta ngekushesha ngesikhatsi eva livi lakho lelifana nekudvuma kwelitulu.

       8 Ngenca yaloko, tintsaba takhuphuka,+ tihosha tashona phansi,

      Taya endzaweni lobewutilungiselele yona.

       9 Wawabekela umncele lokufanele angaweci,+

      Kuze angaphindzi ambonye umhlaba.

  • Jeremiya 5:22
    Lihumusho Lemhlaba Lomusha LemiBhalo Lengcwele

    • 22 Jehova utsi: ‘Aningesabi yini?

      Akukafaneli yini nichachateliswe kwesaba embikwami?

      Ngimi lowenta sihlabatsi saba ngumncele welwandle,

      Ngashaya umtsetfo waphakadze kuze lungawendluli umncele walo.

      Ngisho nobe emagagasi alo angaya lena nalena, atawuphelela khona lapho;

      Ngisho nobe angaba nemandla, kodvwa angeke awendlule lomncele.+