9 Jowabe watsi ku-Amasa: “Uyaphila mnaketfu?” Wabese ubamba silevu sa-Amasa ngesandla sangesekudla wenta shengatsi uyamcabuza. 10 Amasa abengakayinaki lenkemba lebeyiphetfwe nguJowabe futsi wamgwaza ngayo esiswini,+ ematfumbu acitsekela phansi emhlabatsini. Akudzingekanga nekutsi amphindze; kumgwaza kanye-nje bekwenele kutsi ambulale. Ngemuva kwaloko, Jowabe na-Abishayi umnakabo babese bacosha Sheba indvodzana yaBikri.