10 BoMosi na-Aroni bebatente tonkhe letimangaliso embikwaFaro,+ kodvwa Jehova wavumela inhlitiyo yaFaro kutsi ibe lukhuni, ngako akazange awakhulule ema-Israyeli eveni lakhe.+

11 Sedekiya+ bekaneminyaka lengu-21 budzala nakaba yinkhosi futsi wabusa iminyaka lengu-11 eJerusalema.+ 12 Wachubeka enta lokubi emehlweni aJehova Nkulunkulu wakhe. Akazange atitfobe kumphrofethi Jeremiya+ lowakhuluma naye atfunywe nguJehova. 13 Sedekiya waphindze wavukela iNkhosi Nebukhadnezari+ leyayimfungise kuNkulunkulu futsi abesolo anenkhani nenhlitiyo lelukhuni, akavumanga nekubuyela kuJehova Nkulunkulu wema-Israyeli.