7 Solomoni bekanetindvuna letingu-12 lebetiphetse ka-Israyeli lebetiletsa kudla enkhosini nakubantfu labebahlala nayo. Ngayinye yato bekulindzeleke kutsi yente lomsebenti inyanga yinye emnyakeni.+

22 Kudla kwaSolomoni kwelilanga ngalinye bekutikali letingema-cor* langu-30 tafulaha locolisakele naletingu-60 tafulaha, 23 netinkhomo letingu-10 letikhuluphale, letingu-20 letidliswa emadlelweni, netimvu letingu-100, netinyamatane, netinswephe, nemancala, kanye netinyoni letikhuluphele.

4 Ngesikhatsi indlovukazi yaseSheba seyikubone konkhe kuhlakanipha kwaSolomoni,+ indlu lebekayakhile,+ 5 kudla lebekuba setafuleni lakhe,+ indlela tinceku takhe lebetihlala ngayo kulelitafula, indlela tisebenti takhe lebetigcoka ngayo nendlela boweta bakhe lebebaletsa ngayo lokudla, baphatsi betindzebe bakhe kanye nemihlatjelo yekushiswa lebekayinikela njalo endlini yaJehova, yasala ibambe wangentansi.*

21 Tonkhe tindzebe tekunatsa teNkhosi Solomoni betakhiwe ngeligolide, futsi tonkhe titja Tendlu yeLihlatsi laseLebanoni+ betakhiwe ngeligolide lelicwengisisiwe. Bekute lobekwakhiwe ngelisiliva ngobe lisiliva belitsatfwa njengentfo lengenamsebenti ngetikhatsi taSolomoni.+