45 “Tonkhe leticalekiso+ titawuba setikwenu, tinehlele futsi tibe tinyenti kuze kube ngulapho senicotfuliwe,+ ngobe anizange nililalele livi laJehova Nkulunkulu wenu ngekutsi nigcine imitsetfo netimiso takhe lanitjele tona.+

63 “Njengobe nje Jehova ake wakujabulela kunenta niphumelele futsi nibe banyenti, Jehova utawuphindze akujabulele kunibhubhisa nekunicotfula. Nitawucedvwa kulelive lesenitawulitsatsa libe ngelenu.

22 Ema-Israyeli achubeka nekwenta tonkhe tono Jerobowamu lebekatentile.+ Akasukanga kuto 23 kwaze kwaba ngulapho Jehova awasusa ema-Israyeli emehlweni akhe njengobe bekakhulumile asebentisa tonkhe tinceku takhe baphrofethi.+ Ngako ema-Israyeli atfunjwa esuka eveni lawo aya e-Asiriya,+ lapho ahlala khona kuze kube ngulamuhla.