19 Ngimati kahle Abrahama futsi ngiyaciniseka kutsi utawafundzisa emadvodzana akhe kanye netitukulwane takhe kutsi tente lokulungile emehlweni aJehova,+ kuze Jehova afeze loko lametsembise kona.”

9 “Nibocaphela niphindze nitigadzisise kuze ningatikhohlwa tintfo lenitibonile, futsi tingasuki etinhlitiyweni tenu, kuko konkhe kuphila kwenu. Nibotitjela emadvodzana enu nebatukulu benu.+

21 Ngemuva kwaloko wakhuluma nema-Israyeli watsi: “Esikhatsini lesitako nangabe bantfwana benu babuta bobabe babo, batsi: ‘Ani lamatje?’+ 22 nibobachazela nitsi: ‘Ema-Israyeli ewela iJordane emhlabatsini lowomile+ 23 ngesikhatsi Jehova Nkulunkulu wenu omisa emanti emfula iJordane embikwawo aze ewela onkhe, njengobe nje Jehova Nkulunkulu wenu enta eLwandle Lolubovu ngesikhatsi omisa emanti embikwetfu saze sewela sonkhe.+ 24 Loko wakwenta kuze bonkhe bantfu emhlabeni bati kutsi sandla saJehova sinemandla kangakanani,+ kuze nani nitewuhlale nimesaba Jehova Nkulunkulu wenu.’”