I-Watchtower ONLINE LIBRARY

2 Emakhosi 24:6

Lihumusho Lemhlaba Lomusha LemiBhalo Lengcwele
- 6 Jehoyakimu wabese uyafa futsi wangcwatjwa lapho kwangcwatjwa khona bokhokho bakhe;+ indvodzana yakhe Jehoyakhini yaba yinkhosi esikhundleni sakhe.

2 Emakhosi 24:8

Lihumusho Lemhlaba Lomusha LemiBhalo Lengcwele
- 8 Jehoyakhini+ bekaneminyaka lengu-18 budzala nakaba yinkhosi futsi wabusa tinyanga letintsatfu eJerusalema.+ Libito lamake wakhe bekunguNehushta indvodzakati ya-Elnathani waseJerusalema.

2 Emakhosi 24:15

Lihumusho Lemhlaba Lomusha LemiBhalo Lengcwele
- 15 Yamtsatsa kanjalo-ke Jehoyakhini+ yamtfumbela eBhabhulona;+ yaphindze yatsatsa make wenkhosi, bafati benkhosi, tindvuna tayo, kanye nemadvodza lamcoka kulelive, yabatsatsa eJerusalema yabatfumbela eBhabhulona.

2 Tikhronike 36:9, 10

Lihumusho Lemhlaba Lomusha LemiBhalo Lengcwele
- 9 Jehoyakhini+ bekaneminyaka lengu-18 budzala nakaba yinkhosi futsi wabusa tinyanga letintsatfu nemalanga langu-10 eJerusalema; wachubeka enta lokubi emehlweni aJehova.+ 10 Ekucaleni kwemnyaka,* iNkhosi Nebukhadnezari yatfumela kutsi ayolandvwa aletfwe eBhabhulona+ kanye netintfo telikhetselo tendlu yaJehova.+ Nebukhadnezari wabeka babe lomncane waJehoyakhini longuSedekiya waba yinkhosi kaJuda naseJerusalema.+

Jeremiya 22:24

Lihumusho Lemhlaba Lomusha LemiBhalo Lengcwele
- 24 “Jehova Nkulunkulu lophilako utsi: ‘Ngitifunga mine, kutsi nobe bekungatsiwa wena Khoniya*+ loyindvodzana yaJehoyakimu,+ naloyinkhosi yakaJuda bewuyindandatho yesiciniseko esandleni sami sangasekudla, bengitakukhipha lapho!