5 Emazulu wawadala ngelikhono* lelikhulu,+

Ngobe lutsandvo lwakhe lolucotfo luhlala kuze kube phakadze.

22 Kukhona lohlala ngetulu kwendingilizi lengumhlaba,+

Futsi bantfu labahlala kuyo bafanana netintsetse.

Welula emazulu njengendvwangu lecolisakele,

Awendlale njengelithende lokuhlalwa kulo.+

12 Nkulunkulu wadala umhlaba ngemandla akhe,

Ngekuhlakanipha kwakhe wamisa umhlaba wacina+

Futsi wendlala emazulu ngekucondza kwakhe.+

13 Utsi nakamemeta,

Emanti lasemazulwini agubhutele,+

Wenta kutsi kukhuphuke emafu* asuka emikhawulweni yemhlaba.+

Utfumela imvula* lehambisana nembane,

Akhiphe umoya etincolobaneni takhe.+

Bonkhe labasebenta ngensimbi batawuhlazeka ngenca yetithico labatentako;+

Ngobe letithico tabo tensimbi tiyakhohlisa,

Futsi atiphili.*+

16 Kodvwa Nkulunkulu waJakobe* akafani nato,

Ngobe nguye lowadala tonkhe tintfo,

Futsi Israyeli uyintfonga yebantfu labalifa lakhe.+