29 “Jehova Nkulunkulu wenu nasaticotfulile letive lenitawutsatsa indzawo yato,+ futsi nani senihlala kulelo live, 30 nibocaphela kutsi anitilandzeli tindlela tato ngemuva kwekutsi tona setibhujisiwe. Ningabuti ngabonkulunkulu bato, nitsi: ‘Letive betivame kubakhonta njani bonkulunkulu bato? Natsi sitawukwenta njengato.’+ 31 Loku ningabokwenta kuJehova Nkulunkulu wenu, ngobe letive tentela labonkulunkulu bato yonkhe inhlobo yetintfo letenyanyekako, leto Jehova langatitsandzi, tize tishise ngisho nemadvodzana ato nemadvodzakati ato emlilweni, tinikele ngawo kubonkulunkulu bato.+

17 Aphindze ashisa emadvodzana awo nemadvodzakati awo emlilweni,*+ abhula, aphengula+ aphindze achubeka nekutinikela* etintfweni letimbi emehlweni aJehova, kuze amvise buhlungu.

28 Ahazi+ bekaneminyaka lengu-20 budzala nakaba yinkhosi futsi wabusa iminyaka lengu-16 eJerusalema. Akazange ente lokuhle emehlweni aJehova, akazange amlingise khokho wakhe Davide.+

3 Ngetulu kwaloko, wenta iminikelo yekushiswa eSigodzini Sendvodzana yaHinomu,* washisa emadvodzana akhe emlilweni+ alandzela imikhuba leyenyanyekako yaletinye tive,+ leto Jehova bekaticoshile kuma-Israyeli.

33 Manase+ bekaneminyaka lengu-12 budzala nakaba yinkhosi futsi wabusa iminyaka lengu-55 eJerusalema.+

6 Waphindze washisa emadvodzana akhe emlilweni*+ eSigodzini Sendvodzana yaHinomu;+ wenta imilingo,+ waphengula, wenta butsakatsi futsi wabeka tangoma nalababhulako.+ Wenta lokubi emehlweni aJehova ngelizinga lelikhulu kuze amvise buhlungu.

31 Solo niyachubeka yini nekutingcolisa kuze kube ngulamuhla ngekwentela tonkhe tithico tenu letenyanyekako imihlatjelo, nangekunikela ngemadvodzana enu ngekuwashisa emlilweni?+ Awu nine bantfu baka-Israyeli, kufanele yini nginiphendvule nanibuta kimi?”’+

“INkhosi Lephakeme Jehova itsi: ‘Ngitifunga mine, ngitsi angeke nginiphendvule.+