19 Naniphakamisa emehlo enu nibuka emazulwini, futsi nibone lilanga, inyeti netinkhanyeti, lokungilo lonkhe libutfo lasemazulwini, ningalingeki bese niyakukhotsamela niphindze nikukhonte.+ Leto tintfo, Jehova Nkulunkulu wenu utinike bonkhe bantfu labangephansi kwemazulu.

16 Achubeka nekushiya yonkhe imiyalo yaJehova Nkulunkulu wawo futsi atakhela tithico tematfole+ lamabili ngensimbi* kanye nensika lengcwele*+ futsi akhotsamela lonkhe libutfo lasemazulwini,+ akhonta naBhali.+

21 Manase+ bekaneminyaka lengu-12 budzala nakaba yinkhosi, futsi wabusa iminyaka lengu-55 eJerusalema.+ Libito lamake wakhe bekunguHefsiba.

3 Wakha kabusha tindzawo letiphakeme lebetibhidlitwe+ ngubabe wakhe Hezekiya, waphindze wakha nema-al’thare aBhali kanye nensika lengcwele*+ njengobe Ahabi inkhosi yaka-Israyeli bekentile.+ Wakhotsamela lonkhe libutfo lemazulu futsi walikhonta.+

13 Tindlu taseJerusalema netemakhosi akaJuda titawufana nalendzawo lengcolile yaseThofethi,+ ngobe labantfu bente imihlatjelo eluphahleni lwetindlu tabo, bayinikelela lonkhe libutfo lasezulwini*+ baphindze batfulula neminikelo yalokunatfwako, bayitfululela labanye bonkulunkulu.’”+

16 Ngako wangiyisa ebaleni lelingekhatsi lendlu yaJehova.+ Khona lapho ekungeneni kwelithempeli laJehova, emkhatsini wavulandi neli-al’thare, bekunemadvodza lacishe abe ngu-25 lebekafulatsele lithempeli laJehova, abuke ngasemphumalanga; abekhotsamela lilanga emphumalanga.+