15 Jehova Nkulunkulu wabokhokho babo wachubeka abecwayisa asebentisa titfunywa takhe, wabecwayisa tikhatsi letinyenti ngobe bekabavela bantfu bakhe nendzawo yakhe yekuhlala. 16 Kodvwa bachubeka bahlekisa ngetitfunywa taNkulunkulu weliciniso+ futsi bawedzelela emavi akhe,+ bahlekisa nangebaphrofethi bakhe+ kangangekutsi bekute nelitsemba lekutsi bangasitakala, futsi lulaka lwaJehova lwagcine lubavutsela bantfu bakhe.+

33 Kuko konkhe lokusehlele, wena bewusolo ulungile kitsi, futsi wente ngekwetsembeka; kodvwa tsine sente lokubi.+

7 Awu Jehova, wena ulungile, kodvwa tsine sihlazekile,* njengobe kunjalo nalamuhla. Bantfu bakaJuda, nawo onkhe ema-Israyeli, nalabo labahlala eJerusalema, nabo bahlazekile, ngobe bonkhe ubahlakatele etindzaweni letidvutane naletikhashane ngenca yekungetsembeki kwabo.+

16 Awu Jehova, wena uhlale wenta lokulungile,+ sicela umane ususe intfukutselo yakho edolobheni lakho laseJerusalema, leliyintsaba yakho lengcwele; ngobe ngenca yetono tetfu kanye nemaphutsa abokhokho betfu, bonkhe bantfu labakhelene natsi bahlekisa ngeJerusalema nangebantfu bakho.+