6 Imphisi iyawuhlala sikhashana nelizinyane lemvu,+

Ingwe iyawulala eceleni kwelizinyane lembuti,

Litfole nelibhubesi nesilwane lesikhuluphele kuyawuba ndzawonye;*+

Kuyawuholwa ngumfanyana nje.

 7 Inkhomo nelibhele kuyawudla ndzawonye,

Nematfole ako ayawulala ndzawonye.

 8 Umntfwana losamunya uyawudlala emgodzini waphemphetfwane,

Nemntfwana lolunyuliwe uyawufaka sandla sakhe emgodzini wenyoka lenebutsi.

 9 Angeke tilimate lutfo+

Futsi angeke tibangele umonakalo kuyo yonkhe intsaba yami lengcwele,+

Ngobe umhlaba uyawugcwala lwati ngaJehova

Njengobe nemanti agcwalisa lwandle.+

 9 Kute libhubesi leliyawuba lapho,

Futsi kute tilwane tesiganga letiyingoti letiyawuhamba kuwo.

Angeke titfolakale lapho;+

Ngulabahlengiwe kuphela labayawuhamba kuwo.+

25 Imphisi iyawudla ndzawonye nelizinyane lemvu,

Libhubesi liyawudla tjani njengenkunzi,+

Lutfuli luyawuba kudla kwenyoka.

18 Ngalelolanga ngitawentela bantfu bami sivumelwane netilwane tesiganga,+

Netinyoni temazulu kanye netilwane letihumako;+

Ngitawususa butjoki, inkemba kanye nemphi eveni,+

Futsi ngitawenta kutsi bantfu bami bahlale ngekuthula.+