• Tihlabelelo 80:14-16
    Lihumusho Lemhlaba Lomusha LemiBhalo Lengcwele

    • 14 Awu Nkulunkulu wemabutfo, sicela ubuye kitsi.

      Buka phansi usezulwini futsi ubone.

      Nakekela lesihlahla semagilebisi,+

      15 Lokusitfombo* lowasihlanyela ngesandla sakho sangesekudla,+

      Unakekele sihlahla* sakho lowatikhulisela sona.+

      16 Lesihlahla sijutjiwe sase siyashiswa.+

      Bantfu bayashabalala nawubekhuta.

  • Isaya 5:24
    Lihumusho Lemhlaba Lomusha LemiBhalo Lengcwele

    • 24 Ngako-ke, njengobe umlilo ushisa tinhlanga

      Netjani lobomile bushabalala emalangabini emlilo,

      Timphandze tabo titawubola,

      Netimbali tabo titawusakateka njengemphuphu,

      Ngobe bawulahlile umtsetfo* waJehova wemabutfo

      Futsi baledzelele livi laLongcwele waka-Israyeli.+

  • Hezekeli 20:47
    Lihumusho Lemhlaba Lomusha LemiBhalo Lengcwele

    • 47 Tjela lihlatsi leliseningizimu utsi: ‘Lalela nali livi laJehova. INkhosi Lephakeme Jehova itsi: “Ngitawulumeka umlilo lotakushisa,+ futsi utawucotfula tonkhe tihlahla letiluhlata naletomile letikuwe. Lelilangabi lemlilo angeke licimeke+ futsi bonkhe buso butawushiswa ngiwo, kusukela eningizimu kuya enyakatfo.