33 Befika eKhaphanawume. Ngesikhatsi sebasendlini, Jesu wababuta watsi: “Beniphikisana ngani endleleni?”+ 34 Abazange bamphendvule, ngobe endleleni bebaphikisana ngekutsi ngubani lomkhulu emkhatsini wabo. 35 Jesu wahlala phansi, wababita futsi watsi kubo: “Nangabe umuntfu afuna kuba mkhulu kufanele atehlise, abe yinceku yabo bonkhe.”+ 36 Watsatsa umntfwana lomncane wammisa embikwabo, wase uyamgaca, watsi kubo: 37 “Nobe ngubani lowemukela lomunye lonjengalomntfwana+ ngenca yelibito lami, uyangemukela nami, futsi nobe ngubani longemukelako, akemukeli mine kuphela, kodvwa wemukela naLoyo longitfumile.”+

46 Ngemuva kwaloko, baphikisana ngekutsi ngubani lomkhulu emkhatsini wabo bonkhe.+ 47 Jesu bekakwati loko lebebakucabanga, ngako watsatsa umntfwana lomncane wammisa eceleni kwakhe, 48 wase utsi kubo: “Nobe ngubani lowemukela lomntfwana ngenca yelibito lami, uyangemukela nami, futsi nobe ngubani longemukelako, wemukela naLoyo longitfumile.+ Ngobe loyo lotiphatsa njengalomncane emkhatsini wenu nonkhe nguye lomkhulu.”+

24 Ngetulu kwaloko, kwase kuba nekuphikisana lokumatima emkhatsini wabo mayelana nekutsi ngubani lomkhulu kunabo bonkhe.+