14 “‘Nangu umtsetfo lotawulandzelwa nakwentiwa umnikelo walokutinhlavu:+ Emadvodzana a-Aroni kufanele awuletse kuJehova embikweli-al’thare.

16 Bo-Aroni nemadvodzana akhe batawudla loko lokutawusala kulomnikelo.+ Loku kutawentiwa ngako sinkhwa lesite imvubelo futsi kudliwe endzaweni lengcwele. Kutawudlelwa ebaleni* lelithende lekuhlangana.+

30 “Kufanele utsi kuwo: ‘Nanitsatsa lokuncono kakhulu kuleminikelo ninikele ngako, kutawuba shengatsi ninikele ngalenikutsetse ebaleni lekubhulela nobe ngemkhicito wenu weliwayini lelinyenti nobe wemafutsa. 31 Wena nendlu yakho ningakudlela kunobe nguyiphi indzawo, ngobe kusabelo leninikwa sona ngenca yekwenta umsebenti ethendeni lekuhlangana.+

18 “Baphristi labangemaLevi, ngisho naso sonkhe sive semaLevi, ngeke babe nesabelo nobe lifa emkhatsini wema-Israyeli. Batakudla iminikelo leyentiwa ngemlilo leya kuJehova, leyo lelifa lakhe.+