Tihlabelelo

1 Uyajabula umuntfu longasilaleli seluleko salababi,

Longahambi endleleni yetoni,+

Futsi longahlali nalabaphukutanako.+

 2 Kodvwa ujabula kakhulu ngemtsetfo waJehova,+

Futsi ucabangisisa ngawo* imini nebusuku.+

 3 Utawufanana nesihlahla lesihlanyelwe ngasemfuleni,

Lesitsela ngesikhatsi saso,

Nalesinemacembe langabuni.

 4 Bantfu lababi abasinjalo;

Banjengemakhoba lapheshulwa ngumoya.

 5 Kungako lababi batawulahlwa ngesikhatsi sekwehlulelwa;+

Netoni ngeke titfolakale emkhatsini walabalungile.+

 6 Ngobe Jehova uyayati indlela yalabalungile,+

Kodvwa indlela yalababi itawuphela.+