Kubase-Efesu
5 Ngako-ke lingisani Nkulunkulu+ njengobe nibantfwana bakhe labatsandzekako, 2 futsi nichubeke nihamba ngelutsandvo,+ njengobe nje naKhristu asitsandza*+ waphindze watinikela ngenca yetfu* waba ngumnikelo nemhlatjelo loliphunga lelimnandzi kuNkulunkulu.+
3 Bugwadla* nayo yonkhe inhlobo yekungcola kanye nebukhali akungaphatfwa ngisho nekuphatfwa emkhatsini wenu,+ njengobe loku kungabafaneli labangcwele;+ 4 kanjalo nekutiphatsa lokulihlazo, inkhulumo lengenangcondvo, nekuhhalatisa lokwenyanyekako,+ lokutintfo letingakafaneli. Esikhundleni saloko akubongwe Nkulunkulu.+ 5 Ngobe niyakwati loku, futsi niyabona kutsi kute umuntfu loyingwadla,*+ umuntfu longcolile, nobe lobukhali,+ lokusho kukhonta tithico, lonelifa eMbusweni waKhristu newaNkulunkulu.+
6 Akube bete umuntfu lonidukisa ngemavi lalite, ngobe ngenca yaleto tintfo lulaka lwaNkulunkulu lutawufikela bantfu labangalaleli. 7 Ngako-ke ningahlanganyeli nabo; 8 ngobe nake naba sebumnyameni, kodvwa nyalo senisekukhanyeni+ eNkhosini.+ Chubekani nihamba njengebantfwana bekukhanya, 9 ngobe titselo tekukhanya tifaka ekhatsi lonkhe luhlobo lwetintfo letinhle, kulunga neliciniso.+ 10 Chubekani niciniseka kutsi yini leyemukelekako+ eNkhosini; 11 futsi niyekele kwenta imisebenti yebumnyama+ lengasiti ngalutfo, kodvwa yibekeni ebaleni, nivete loko lengiko. 12 Ngobe kudlisana emahloni kusho tintfo labatenta ekusitsekeni. 13 Tonkhe tintfo letibekwa ebaleni tivetwa kukhanya, ngobe konkhe lokuvetiwe kukukhanya. 14 Ngako kubhaliwe kwatsiwa: “Phaphama wena lolele, uvuke ekufeni,+ futsi Khristu utakukhanyisela.”+
15 Caphelisisani kutsi indlela lenihamba ngayo ayifani neyebantfu labangakahlakaniphi kodvwa ifana neyebantfu labahlakaniphile, 16 nisisebentise kahle sikhatsi senu,*+ ngobe emalanga mabi. 17 Ngako yekelani kuba ngulabete ingcondvo, kodvwa chubekani nicondza kutsi iyini intsandvo yaJehova.*+ 18 Ningadzakwa liwayini,+ ngobe loku kuholela ekutiphatseni lokubi,* kodvwa chubekani nigcwala umoya longcwele. 19 Hlabelani tingoma ndzawonye,* nihlabele tingoma tekudvumisa, netingoma tekukhonta Nkulunkulu, nihlabele+ futsi nidvumise+ Jehova* etinhlitiyweni tenu,+ 20 ngaso sonkhe sikhatsi nibonge+ Nkulunkulu longuBabe wetfu, ngako konkhe, egameni leNkhosi yetfu Jesu Khristu.+
21 Tfobelanani+ ngenca yekwesaba Khristu. 22 Bafati abatfobele emadvodza abo+ kube shengatsi batfobela iNkhosi, 23 ngobe indvodza iyinhloko yemkayo+ njengobe nje naKhristu ayinhloko yelibandla,+ futsi angumsindzisi walomtimba. 24 Ecinisweni, njengobe libandla lititfoba kuKhristu, nebafati kufanele batitfobe emadvodzeni abo kuto tonkhe tintfo. 25 Madvodza, chubekani nitsandza bafati benu+ njengobe nje naKhristu alitsandza libandla futsi watinikela ngenca yalo,+ 26 kuze alingcwelise, alihlambulule ngekuligeza ngemanti asebentisa livi,+ 27 khona atewuliletsa kuye likhatimula, lingenabala, lingenasici, nanobe yini lenjengalena,+ kodvwa libe ngcwele futsi lingasoleki.+
28 Ngendlela lefanako, emadvodza kufanele atsandze bomkawo njengobe atsandza imitimba yawo. Indvodza letsandza umkayo ititsandza yona, 29 ngobe kute umuntfu lowake watondza umtimba* wakhe, kodvwa uyawondla aphindze awunakekele, njengobe naKhristu enta kulo libandla, 30 ngobe singemalunga emtimba wakhe.+ 31 “Ngenca yaloko indvodza itawushiya babe wayo namake wayo inamatsele* kumkayo, futsi laba lababili batawuba nyamanye.”+ 32 Lemfihlo lengcwele+ yinkhulu. Ngako ngikhuluma mayelana naKhristu nelibandla.+ 33 Nome kunjalo, nguloyo naloyo kini akatsandze umkakhe+ njengobe atitsandza yena; nemfati kufanele abe nenhlonipho lenkhulu ngendvodza yakhe.+