Yekucala KubaseThesalonika
3 Kwatsi lapho singasakhoni kubeketela, sakubona kukuhle kusala sodvwa e-Athene;+ 2 satfuma Thimothi+ umzalwane wetfu loyinceku yaNkulunkulu* leshumayela tindzaba letimnandzi ngaKhristu, kutsi anicinise* futsi anidvudvute ekukholweni, 3 kuze kube bete umuntfu lonyakatiswa* nguletinhlupheko. Ngobe nani niyati kutsi ngeke sitibalekele.*+ 4 Ngisho nangesikhatsi sisenani, besinitjela kutsi sitawuhlupheka, futsi nguloko vele lokwentekile njengobe nje nani nati.+ 5 Kungako ngesikhatsi ngingasakhoni kubeketela, ngatfuma Thimothi kini kuze angibikele ngekwetsembeka kwenu,+ ngobe bengesaba kutsi kungenteka uMlingi+ bekanilingile, futsi kutikhandla kwetfu kwaba lite.
6 Kodvwa Thimothi usandza kufika kitsi esuka kini,+ futsi usitjele tindzaba letimnandzi letimayelana nekwetsembeka kwenu nelutsandvo lwenu, nekutsi nihlale nijabula nanicabanga ngatsi futsi nilangatelela kusibona njengobe natsi silangatelela kunibona. 7 Ngaleso sizatfu bazalwane, kuko konkhe kucindzeteleka* nekuhlupheka kwetfu, sidvudvutekile ngenca yenu nangenca yekwetsembeka kwenu.+ 8 Siyavuseleleka* nasinibona nime nicinile eNkhosini. 9 Singambonga ngani Nkulunkulu ngenjabulo lenkhulu lesinayo embikwakhe ngenca yenu? 10 Busuku nemini simncusa ngekutimisela kuze sinibone* bese siyanisita kutsi nicinise kukholwa kwenu.+
11 Shengatsi Nkulunkulu wetfu longuBabe akanye neNkhosi yetfu Jesu bangenta indlela yekutsi site kini. 12 Ngetulu kwaloko, shengatsi iNkhosi inganenta nikhule futsi niphuphume elutsandvweni leninalo kulomunye nalomunye+ nakubo bonkhe labanye, njengobe nje natsi senta kini, 13 kuze yente tinhlitiyo tenu ticine, ningasoleki futsi nibe ngcwele embikwaNkulunkulu wetfu+ longuBabe, ngesikhatsi sekuba khona kweNkhosi yetfu Jesu+ ikanye nabo bonkhe labangcwele bayo.