Tihlabelelo

26 Awu Jehova, ngehlulele ngobe ngicotfo;+

Ngetsembele kuwe Jehova, futsi angikake ngingabate.+

 2 Ngihlolisise Jehova, ungivivinye;

Cwenga imicabango yami lejulile* kanye nenhlitiyo yami.+

 3 Ngobe ngihlale ngicabangisisa ngelutsandvo lwakho lolucotfo,

Futsi ngiphila ngetimiso takho letiliciniso.+

 4 Angitihlanganisi* nebantfu labanemanga,+

Ngiyababalekela nebantfu labafihla loko labangiko.*

 5 Ngiyalitondza licembu lebantfu lababi,+

Futsi angitihlanganisi* nalabakhohlakele.+

 6 Awu Jehova, ngitawugeza tandla tami, ngikhombise kutsi ngimsulwa,

Futsi ngitawutungeleta li-al’thare lakho,

 7 Kuze ngikubonge ngelivi lelivakalako,+

Ngimemetele nayo yonkhe imisebenti yakho lemangalisako.

 8 Ngiyayitsandza indlu lohlala kuyo Jehova,+

Indzawo lapho inkhatimulo yakho ihlala khona.+

 9 Ungangisusi kanye netoni+

Nobe utsatse kuphila kwami kanye nekwemadvodza lanebudlova,*

10 Lawo lenta imisebenti lelihlazo ngetandla tawo,

Nalagcwele imidizo etandleni tawo tangesekudla.

12 Ngime endzaweni lephephile;+

Ngitamdvumisa Jehova ebandleni lelikhulu.*+