Tihlabelelo

2 Titfukutseliswe yini tive

Futsi kungani bantfu bakhonona ngentfo lelite?+

 2 Emakhosi emhlaba atilungiselele kuya emphini

Nebabusi bahlangene ndzawonye*+

Kuze bamelane naJehova kanye nalogcotjiwe wakhe.*+

 3 Batsi: “Asidzabule letinketane labasibophe ngato

Futsi sitilahle phansi tintsambo tabo!”

 4 Loyo lohleti esihlalweni sebukhosi emazulwini utawuhleka;

Jehova utabahleka bulima.

 5 Ngaleso sikhatsi utawukhuluma nabo atfukutsele

Futsi abetfuse ngentfukutselo yakhe levutsako,

 6 Atsi: “Mine ngibeke inkhosi yami+

ESiyoni,+ intsaba yami lengcwele.”

 7 Asengikhulume loko Jehova lakushito;

Utsite kimi: “Wena uyindvodzana yami;+

Lamuhla ngikutele.+

 8 Cela kimi, mine ngitakunika tive tibe lifa lakho

Futsi ngikunike umhlaba wonkhe kutsi ube wakho.+

 9 Utawutiphahlata ngentfonga yensimbi,+

Futsi utiphihlite njengesitja selubumba.”+

10 Ngako-ke banini nekucondza nine makhosi;

Vumani kuyalwa,* nine behluleli basemhlabeni.

11 Khontani Jehova ngenhlonipho lenkhulu,

Futsi nimesabe nijabulile.

12 Hloniphani* indvodzana,+ ngale kwaloko Nkulunkulu* utawutfukutsela

Futsi nitawushabalala endleleni,+

Ngobe intfukutselo yakhe isheshe ivutse.